ეს არის ერთ – ერთი ყველაზე ხშირად დასმული კითხვა კანაფის კულტივირების დროს. კანაფის თითქმის ყველა სახეობა ყვავის 8-დან 10 კვირამდე, რის შემდეგაც მოდის მოსავლის აღების დრო.

თუ კანაფის გაშენების ადრეულ ეტაპზე არ იქნა დაშვებული მნიშვნელოვანი შეცდომები, მცენარეზე კონუსები უნდა იყოს მასიური და შევსებული, ფისის დიდი რაოდენობით.

მოსავლის აღების დაწყებამდე პირველი რაც უნდა გააკეთოთ არის იმის დადგენა, თუ რა რაოდენობით განვითარდნენ ტრიქომები მცენარეში. მაგრამ, იმისათვის, რომ უფრო ზუსტად განსაზღვროთ ამ ტრიქომების განვითარების აუცილებელი ეტაპები, საჭიროა გამადიდებელი მინა ან მიკროსკოპი, რადგან ტრიქომები ძალიან მცირეა და ადამიანის თვალისთვის მიუწვდომელია.

ტრიქომების განვითარების აუცილებელი ეტაპები განისაზღვრება მათი ფერით. მომწიფების ადრეულ ეტაპზე, ტრიქომებს აქვთ გამჭვირვალე გარეგნობა, რაც იმაზე მეტყველებს, რომ კანაფს ჯერ კიდევ არ აქვს სიმწიფე.

როდის უნდა ავიღოთ კანაფის მოსავალი?

მომწიფებისას ტრიქომები იწყებენ გამუქებას, რაც ნიშნავს რომ მათში THC- ის დონე იზრდება. სხვა კანაბინოიდები, როგორიცაა CBD და CBN, რომლებიც პასუხისმგებელნი არიან ადამიანის სხეულზე სედატიური ეფექტისთვის, ამ ეტაპზე თითქმის არ ვლინდება. მოცემულ ეტაპზე მარიხუანას მოწევის ეფექტი იქნება უფრო მეტად სატივასებური, რაც გამოიხატება განწყობის ამაღლებაში, ძალებისა და ენერგიის მატებაში,ასევე თავს იჩენს სურვილი შემოქმედებისკენ. თუმცაღა თუ თქვენ დაელოდებით ტრიქომების უფრო ძლიერ მომწიფებას, მაშინ შესამჩნევი გახდება მათი შეფერილობის ცვლილება, უფრო ზუსტად კი გამუქება.

ეს ხდება იმის გამო, რომ THC- ის კონცენტრაცია მცირდება კანაბინოიდებზე გასანაწილებლად. ამ კანაბინოიდების ოდენობის გაზრდის გამო, მოწევის ეფექტი სხეულს უფრო მძლავრ სედატიურ მდგომარეობას სძენს.